Rruga prej 19 kilometrash që lidh fshatin Izvor në Kërçovë me Dibrën mbetet e papërfunduar për shkak të shembjeve të mëdha të dheut gjatë punimeve. Një pjesë e rrugës është asfaltuar, por disa segmente vazhdojnë të jenë të pasigurta dhe kërkojnë ndërtimin e mureve mbrojtëse për të parandaluar rrëshqitjet. Kompania përgjegjëse ka kërkuar fonde shtesë nga Ndërmarrja Publike “Rrugët Shtetërore”, por deri tani nuk ka marrë miratim zyrtar për këto mjete. Përfaqësuesi i kompanisë, Rade Trajkovski, shprehet se pritshmëria është që fondet të sigurohen së shpejti, por nuk dihet ende se kur do të ndodhë kjo, ndërsa nga Ndërmarrja Publike nuk ka pasur ende përgjigje.