Punimet në rrugën Livadhet e Istogut–Mokna, me gjatësi totale 19.17 kilometra dhe vlerë investimi prej 3.7 milionë eurosh, po vazhdojnë me ritëm të mirë. Faza e parë e projektit është realizuar në rreth 90 për qind, ndërsa në fazën e dytë mbeten për asfaltim rreth 1.7 kilometra. Ministri në detyrë i Infrastrukturës dhe Transportit, Dimal Basha, ka konfirmuar se projekti pritet të përfundojë tërësisht deri në fund të këtij viti. Përfundimi i rrugës do t’u sigurojë qytetarëve një arterie më të kompletuar dhe më të sigurt për lëvizje.