Rruga Pejë–Kullë–Rozhajë është hapur për qarkullim pas disa orësh mbylljeje shkaku i reshjeve të borës. Qendra Kombëtare për Menaxhim Kufitar njofton se rruga është e kalueshme për të gjitha llojet e automjeteve, por me kushtin e përdorimit të pajisjeve dimërore. Ky informacion është konfirmuar edhe nga zyrtarët e Malit të Zi, të cilët kanë bërë të ditur se përdorimi i pajisjeve dimërore është i detyrueshëm për sigurinë në këtë rrugë. Autoritetet u bëjnë thirrje qytetarëve që të pajisen me këto pajisje për të përballuar kushtet atmosferike dhe për të shmangur rreziqet gjatë qarkullimit.