Të dhënat e Eurostat për vitin 2025 tregojnë se mbi gjysma e popullsisë së Bashkimit Evropian është me mbipeshë, ku 16,3% janë obezë dhe 35,4% me indeks të masës trupore mes 25 dhe 30. Burrat në BE kanë shkallën më të lartë të obezitetit në krahasim me gratë, me 17,4% për burrat dhe 15,3% për gratë, ndërsa 41,9% e burrave janë me mbipeshë kundrejt 29,3% të grave. Shtetet me përqindjen më të lartë të personave obezë janë Malta, Lituania dhe Finlanda, ndërsa Italia, Greqia dhe Rumania kanë nivelet më të ulëta. Për Maqedoninë e Veriut, të dhënat më të fundit nga viti 2022 tregojnë se 15,4% e qytetarëve janë obezë, duke e bërë atë më pak të prekur nga ky fenomen në krahasim me mesataren evropiane.