Arben Taravari, kryetar i Aleancës për Shqiptarët në Maqedoninë e Veriut, ka deklaruar se ndikimi i Serbisë në këtë vend është rritur ndjeshëm në vitet e fundit, duke arritur nivele që nuk janë parë që nga koha e ish-Jugosllavisë. Ai thekson se kjo rritje e ndikimit ka ndodhur pas ardhjes në pushtet të qeverisë së drejtuar nga Hristijan Mickoski, ku në pjesën maqedonase të Shkupit dëgjohet më shumë muzikë serbe dhe këngët e artistëve maqedonas transmetohen në gjuhën serbe. Sipas Taravarit, propaganda serbe është përhapur gjerësisht, duke përfshirë edhe manifestimet e festave serbe në Maqedoninë e Veriut. Ai gjithashtu përmend se ndërkombëtarët vërejnë këtë ndikim si më të madhin në historinë e shtetit, duke e krahasuar me periudhën kur shtetet ishin pjesë e ish-Jugosllavisë.