Kryetari i Partisë Demokratike, Sali Berisha, ka bërë thirrje për një protestë kombëtare që do të zhvillohet nesër në orën 18:00. Ai ka kërkuar nga qytetarët që të marrin pjesë masivisht dhe të bllokojnë rrugët me makina për të shprehur pakënaqësinë ndaj qeverisë. Deputetët e PD-së nuk do të qëndrojnë në vijën e parë të protestës, por do të shpërndahen në zonat e tyre për të mbështetur protestuesit lokalë. Berisha ka kritikuar ashpër mbështetësit e kryeministrit Edi Rama, duke i quajtur "brigadë puthadorësh" që përpiqen të mbrojnë qeverinë në mënyra të ndryshme, duke përdorur edhe mjete sociale për manipulim.