Sekretari i përgjithshëm i NATO-s, Mark Rutte, mbërriti në Shkup për një vizitë zyrtare, ku u prit nga ministri i Mbrojtjes së RMV-së, Vlado Misajlovski. Gjatë vizitës, Rutte u prit me nderime shtetërore dhe ushtarake nga presidentja Gordana Sviljanovska-Davkova në vilën në Vodno, ku zhvilluan takime kokë më kokë dhe plenarë mes delegacioneve të NATO-s dhe RMV-së. Ai do të takohet gjithashtu me kryeministrin Hristijan Mickoski dhe kryetarin e kuvendit, Afrim Gashi, duke iu drejtuar më pas deputetëve në kuvend. Në kuadër të vizitës, Rutte do të vizitojë kazermën Ilinden për të marrë pjesë në prezantimin e Grupit të Batalionit të Këmbësorisë së Lehtë dhe pajisjeve ushtarake, duke theksuar rëndësinë e bashkëpunimit për sigurinë dhe stabilitetin rajonal.