Partia LSDM ka ngritur akuza ndaj kryeministrit Hristijan Mickoski për mungesë transparence në lidhje me negociatat për qendrat e të dhënave. Ata kërkojnë që Mickoski të bëjë publike emrin e kompanisë investitore, kushtet e marrëveshjes dhe ndikimin që do të kenë këto qendra në konsumimin e energjisë elektrike dhe ujit. LSDM paralajmëron se këto investime mund të rrezikojnë furnizimin me ujë për fermerët dhe qytetarët, si dhe të rrisin çmimin e energjisë elektrike, duke theksuar mungesën e analizave dhe transparencës nga ana e qeverisë. Sipas tyre, kjo nuk është një strategji zhvillimi, por një lojë e rrezikshme që mund të dëmtojë burimet natyrore dhe interesat e qytetarëve të Maqedonisë.