Në Graçanicë është zhvilluar një aksion i pazakontë ku disa serbë kanë shpërndarë fletushka me kritika të ashpra ndaj presidentit të Serbisë, Aleksandër Vuçiq. Këto fletushka përmbajnë akuza për premtime të pambajtura dhe përshkruajnë Vuçiqin përmes karikaturave satirike si “Pinokio”, duke e akuzuar për gënjeshtra ndaj popullit serb. Në materialet e shpërndara, Vuçiq akuzohet gjithashtu për largimin nga puna të serbëve që nuk mbështesin politikisht Listën Serbe, subjekt i mbështetur nga Beogradi zyrtar. Ky veprim duket të jetë organizuar nga serbë që kundërshtojnë ndikimin politik të Beogradit në komunitetin serb të Kosovës, në një kohë kur autoritetet serbe bëjnë thirrje për mbështetje të Listës Serbe në zgjedhje.