Qeveria e Serbisë ka dhënë shtetësi për më shumë se 330 persona, shumica prej tyre oligarkë dhe figura të lidhura me strukturat politike dhe ushtarake ruse, duke përfshirë nipin e Ramzan Kadirovit, Jakub Zakriev. Ky vendim ka ngjallur shqetësime serioze për sigurinë dhe përputhshmërinë me standardet evropiane, sidomos në kontekstin e sanksioneve ndërkombëtare ndaj Rusisë dhe luftës në Ukrainë. Pas reagimeve të forta dhe paralajmërimeve nga Komisioni Evropian, Serbia tërhoqi vendimin për Zakrievin, duke hequr shtetësinë e tij brenda 24 orëve. Megjithatë, dhënia e shtetësisë për persona të lidhur me industrinë ushtarake dhe ekonominë e luftës ruse vazhdon, duke rrezikuar marrëdhëniet e Serbisë me Bashkimin Evropian dhe regjimin pa viza.