Serbia ka nënshkruar një marrëveshje me Rusinë për furnizimin me izotope radioaktive, në një bashkëpunim të thelluar mes Aleksandar Vuçiq dhe Vladimir Putin në fushën e teknologjisë bërthamore. Kjo marrëveshje është realizuar përmes kompanisë ruse ‘Rosatom’ dhe Institutit për Shkencat Bërthamore Vinca në Serbi, duke përfshirë furnizimin me burime të mbyllura të rrezatimit gama për testime jo-shkatërruese në industri. Izotopet radioaktive, megjithëse të nevojshme për qëllime shkencore dhe industriale, mbartin rreziqe të mëdha për shëndetin nëse nuk trajtohen me kujdes dhe sipas protokolleve strikte, pasi rrezatimi i tyre mund të shkaktojë dëmtime serioze si kancer. Ky bashkëpunim ka ngjallur dyshime dhe vëmendje të madhe për ndikimet e mundshme të përdorimit të teknologjisë bërthamore në rajon dhe nevojën për monitorim të vazhdueshëm dhe siguri maksimale.