Serbia ka nënshkruar një marrëveshje të re për shkëmbimin e pasurive të paluajtshme mes shtetit dhe Kishës Ortodokse Serbe, me qëllim zgjerimin dhe modernizimin e infrastrukturës së saj ushtarake. Në kuadër të kësaj marrëveshjeje, Dioqeza e Sremit i kalon shtetit një parcelë në Beoçin, ndërsa në këmbim merr një pronë shtetërore në kompleksin ushtarak “Denovac 2” në Valjevë. Ministri i Mbrojtjes, Bratislav Gashiq, theksoi se ky bashkëpunim do të përmirësojë menaxhimin e pronave dhe do të krijojë mundësi për projekte të reja infrastrukturore në sistemin e mbrojtjes, duke forcuar kapacitetet operacionale të Forcave të Armatosura Serbe. Ndërsa marrëveshja nuk përmend Kosovën, zhvillimet ushtarake në këtë rajon janë ndjekur me kujdes nga institucionet e sigurisë në Kosovë dhe partnerët ndërkombëtarë, për shkak të tensioneve historike dhe rëndësisë së stabilitetit në Ballkanin Perëndimor.