Sipas të dhënave të fundit të indeksit global të perceptimit të korrupsionit të publikuar nga World Economics, Serbia renditet ndër vendet me nivel shumë të lartë të korrupsionit në Evropë. Indeksi, i bazuar në renditjen e Transparency International, mat nivelin e korrupsionit në një shkallë nga 0 deri në 100, ku Serbia ka marrë vetëm 28.6 pikë, duke u shënuar me ngjyrë kafe që tregon nivelin më të lartë të korrupsionit në rajon. Në krye të listës janë vendet e Evropës Veriore, me Danimarkën që ka vlerësimin maksimal prej 100 pikësh, e ndjekur nga Finlanda, Luksemburgu, Norvegjia dhe Zvicra. Pas Serbisë në fund të renditjes për rajonin është Bosnja dhe Hercegovina me 26 pikë, duke u pozicionuar edhe më poshtë në indeksin global të perceptimit të korrupsionit.