Serbia ka arritur një marrëveshje të re tre mujore me Rusinë për furnizimin me gaz natyror, duke siguruar importin e 6 milionë metrave kub gaz me një çmim prej 320-330 dollarë për 1 mijë metra kub. Kjo marrëveshje u njoftua nga presidenti serb Aleksandar Vuçiq pas një bisede telefonike me presidentin rus Vladimir Putin dhe vlerësohet si shumë e favorshme për Serbinë. Megjithëse Serbia po përpiqet të ulë varësinë nga gazi rus që nga pushtimi i Ukrainës, ajo ende mbulon mbi 80% të nevojave të saj nga Rusia, një situatë e kushtëzuar nga faktorë ekonomikë dhe politikë. Bashkimi Evropian po kërkon që Serbia të harmonizohet me sanksionet ndaj Rusisë dhe të zvogëlojë importet e gazit rus, ndërkohë që Serbia po diversifikon burimet e saj të energjisë duke blerë gaz edhe nga Azerbajxhani dhe duke planifikuar ndërtimin e një gazsjellësi drejt Maqedonisë së Veriut.