Serbia ka intensifikuar bashkëpunimin me Kinën në fushën e sigurisë, duke zhvilluar patrullime të përbashkëta policore në qytetin kinez Hainan dhe stërvitje ushtarake me robotë luftarakë kinezë në territorin serb. Kjo zgjerim i bashkëpunimit vjen në një kohë kur Beogradi vazhdon të deklarojë se anëtarësimi në Bashkimin Evropian mbetet objektiv strategjik, por në praktikë po forcon lidhjet me Pekinin dhe Moskën në nivele politike, ekonomike dhe ushtarake. Avokati serb Cedomir Stojkoviq ka kritikuar ashpër këtë kurs, duke e cilësuar Serbinë si një degë të Kinës dhe duke akuzuar zyrtarët evropianë për tolerancë ndaj këtij zhvillimi. Ai gjithashtu ka përmendur fabrikën kineze të robotëve në Serbi, e cila ka kapacitet prodhues prej 20 mijë robotësh në vit dhe mund të përdoret nga ushtria serbe në zona me potencial konflikti, duke theksuar ndikimin e thellë të Kinës në sigurinë dhe politikën e Serbisë.