Presidenti i Serbisë, Aleksandar Vuçiq, njoftoi uljen e akcizave në produktet e naftës për 40 për qind, në përpjekje për të parandaluar rritjen e çmimeve në pompat e karburantit. Ai theksoi se kjo masë është e dhimbshme për buxhetin shtetëror, pasi Serbia po heq dorë nga të ardhurat prej 2 miliardë eurosh nga akcizat, por shteti ka rezerva të mjaftueshme për të përballuar situatën. Kjo ulje vjen pas një reduktimi të mëparshëm prej 20 për qind dhe synon të mbajë çmimet nën kontroll në një kohë kur konflikti në Lindjen e Mesme ka ndikuar në zinxhirin global të furnizimit me naftë dhe ka rritur çmimet.