Pavarësisht sanksioneve amerikane, Serbia vazhdon të japë kontrata publike biznesmenit të kontestuar nga Kosova, Zvonko Veselinoviq, i njohur për lidhjet me Milan Radoiçiqin, i akuzuar për sulmin terrorist në Banjskë. Kompania “Novi Pazar-put”, në pronësi të Veselinoviqëve, ka fituar katër kontrata brenda një dite nga Ndërmarrja Publike Komunale “Putevi” në Krushevc, me vlerë rreth 580 mijë euro, duke furnizuar me agregate dhe filer. Kjo kompani dhe të tjera në pronësi të grupit kanë përfituar vazhdimisht nga tenderët shtetërorë, edhe pse ndodhen në listën e zezë të SHBA-së, duke rritur ndjeshëm fitimet që nga viti 2020. Bashkëpunimi përfshin projekte infrastrukturore shtetërore dhe bashkëpunime me kompani të huaja, duke sfiduar sanksionet dhe duke krijuar shqetësime për implikimet politike dhe të sigurisë në rajon.