Kryetari i Kuvendit të Maqedonisë së Veriut, Afrim Gashi, mori pjesë në Asamblenë e 67-të të Përgjithshme të PABSEK në Tbilisi, ku theksoi rëndësinë e bashkëpunimit rajonal për përballimin e sfidave të shumta në zonën e Detit të Zi. Ai nënvizoi se rajoni është një korridor kyç për lidhshmërinë dhe tregtinë ndërkombëtare, por përballet me sfida që kërkojnë përpjekje të përbashkëta dhe solidaritet mes vendeve anëtare. Gashi riafirmoi përkushtimin e Maqedonisë së Veriut për integrimin euroatlantik dhe theksoi nevojën për një dialog gjithëpërfshirës për zhvillim të qëndrueshëm dhe harmoni shoqërore. Gjithashtu, gjatë vizitës së tij zyrtare në Tbilisi, ai zhvilloi takime me Kryetarin e Parlamentit të Gjeorgjisë për të diskutuar mbi sigurinë rajonale dhe thellimin e bashkëpunimit dypalësh.