Kryeministri kroat Andrej Plenkoviq vlerësoi se Qeveria e Maqedonisë së Veriut po përmbush kriteret për anëtarësim në Bashkimin Evropian dhe procesi po ecën mirë. Megjithatë, ai theksoi se çështja kryesore e pazgjidhur mbetet marrëdhënia me Bullgarinë, ku ndryshimet politike pritet të ndikojnë në rifillimin e dialogut. Plenkoviq shprehu gatishmërinë për të ndihmuar në kapërcimin e pengesave që ekzistojnë në këtë proces. Ai komentoi gjithashtu dokumentin e kancelarit gjerman Friedrich Merz, duke theksuar se nuk do të ketë shkurtesa për disa vende dhe se perspektiva evropiane e Ukrainës është një çështje komplekse që po diskutohet në nivel ndërkombëtar.