Shtetet e Bashkuara të Amerikës kanë shprehur vlerësim për Shqipërinë lidhur me procesin e riatdhesimit të shtetasve shqiptarë nga Siria. Së fundmi, në kuadër të misionit të gjashtë, në vend janë kthyer dy gra dhe tre fëmijë, të cilëve u ofrohet mbështetje për rehabilitim dhe riintegrim në shoqëri. Ambasada Amerikane në Tiranë e ka cilësuar këtë si një fitore jo vetëm për familjet e përfshira, por edhe për sigurinë globale. Ky proces është pjesë e përpjekjeve të vazhdueshme të autoriteteve shqiptare për të siguruar kthimin dhe integrimin e qytetarëve të tyre që kanë qenë në kampet në Siri.