Kryetari i Qytetit të Shkupit, Orce Gjorgjievski, njoftoi për avancimin e projektit të pajisjes së shkollave të mesme me laboratorë bashkëkohorë për matematikë, fizikë, kimi dhe biologji, si dhe me stacion meteorologjik. Investimi synon të krijojë kushte moderne dhe interaktive mësimore, ku nxënësit do të kenë mundësi të mësojnë përmes eksperimenteve praktike dhe teknologjive të avancuara, duke lënë pas mësimin tradicional teorik. Kabinetet e reja janë të pajisura me mobilie të përshtatura, teknologji interaktive dhe përmbajtje digjitale që e bëjnë mësimin më të kuptueshëm dhe tërheqës. Ky projekt synon të përmirësojë cilësinë e arsimit dhe të nxisë zhvillimin e potencialit të plotë të të rinjve në Shkup.