Kryetari i Qytetit të Shkupit, Orce Gjorgjievski, së bashku me ministrin Gjoko Velkovski, inauguroi Qendrën e parë për qëndrim ditor për personat me invaliditet nga mosha 14 vjeç e lart. Kjo qendër ofron mbështetje psikologjike dhe profesionale, aktivitete edukative, krijuese dhe rekreative, si dhe ndihmon zhvillimin e aftësive praktike dhe jetësore për përfituesit. Ajo synon të krijojë një mjedis ku personat me aftësi të kufizuara ndihen të pranuar, të sigurt dhe të inkurajuar për të ndërtuar pavarësinë dhe vetëbesimin e tyre. Gjorgjievski theksoi rëndësinë e mbështetjes edhe për familjet dhe kujdestarët, duke e quajtur Shkupin një qytet që mbron dhe ndihmon të gjithë banorët e tij, duke u fokusuar te mundësitë dhe talentet e secilit individ.