Kryetari i Qytetit të Shkupit, Orce Gjorgjievski, njoftoi se deri në Vitin e Ri do të përfundojë dhe vihet në funksion nyja rrugore “Momin Potok”, një projekt kompleks që përfshin ndërtimin e pesë urave të reja, mureve mbajtëse dhe shtigjeve për këmbësorë dhe biçikleta, duke lehtësuar trafikun në këtë zonë. Gjithashtu, po vazhdojnë punimet në bulevardin “Boris Trajkovski” në Draçevë, ku janë zgjidhur çështjet pronësore dhe pritet përfundimi brenda vitit. Në gusht do të fillojë lidhja e Gazi Babës me Aerodromin përmes Bulevardit “Gjeneral Mihajlo Apostolski”, pasi të lirohen objektet në këtë zonë. Kryeministri Hristijan Mickoski paralajmëroi furnizimin e Shkupit me kamionë, cisterna dhe makina për pastrimin e rrugëve dhe njoftoi për përfundimin e tenderit për autobusët elektrik, ndërsa procesi i ankesave është ende në zhvillim.