KRU “Hidromorava” në Gjilan ka vijuar me aksionin e shkyçjes së konsumatorëve nga rrjeti i ujësjellësit për ata që kanë dy ose më shumë fatura të papaguara. Ky veprim realizohet me mbështetjen e Policisë së Kosovës dhe ka për qëllim rritjen e disiplinës në pagesën e shërbimeve të ujësjellësit. Kompania ka bërë thirrje që konsumatorët të paguajnë borxhet ose të nënshkruajnë marrëveshje për riprogramimin e pagesave për të shmangur shkyçjen dhe procedurat përmbarimore. Pagesa e faturave të ujit konsiderohet obligim ligjor, ndërsa mospagesa sjell pasoja të drejtpërdrejta për konsumatorët.