Ministri për Evropën dhe Punët e Jashtme të Shqipërisë, Ferit Hoxha, zhvilloi një takim me Ministrin e Jashtëm të Malit të Zi, Ervin Ibrahimovic, ku u konfirmua vazhdimësia e marrëdhënieve miqësore dhe të shëndetshme mes dy vendeve. Hoxha publikoi një foto nga takimi në rrjetin social X, duke theksuar se marrëdhënia mes Shqipërisë dhe Malit të Zi mbetet e fortë dhe e përqendruar në qëllimin e përbashkët për anëtarësimin në Bashkimin Evropian. Në këtë takim u riafirmua angazhimi për investime të mëtejshme në bashkëpunimin rajonal dhe forcimin e kontakteve për ndërtimin e besimit. Ministri shqiptar nënvizoi rëndësinë e krijimit të një të ardhmeje evropiane të përbashkët për të dy vendet dhe rajonin në përgjithësi.