Shqipëria ka arritur një fazë të rëndësishme në procesin e integrimit evropian, pasi Raporti i Vlerësimit të Piketave të Ndërmjetme (IBAR) pritet të kalojë për shqyrtim në nivelin e COREPER-it. Ky raport teknik i Komisionit Evropian vlerëson progresin e vendit në përmbushjen e kritereve për hapjen e kapitujve të negociatave me BE-në dhe shërben si një filtrim i parë institucional për avancimin në proces. Në këtë fazë, COREPER, organi që përgatit vendimet për Këshillin e BE-së, do të shqyrtojë raportin para se të miratohet zyrtarisht. Ndërkohë, konferenca ndërqeveritare pritet të mbahet më 26 maj, duke shënuar një tjetër hap të rëndësishëm drejt integrimit të Shqipërisë në Bashkimin Evropian.