Agjencia e Administrimit të Pasurive të Sekuestruara dhe Konfiskuara e Shqipërisë zhvilloi një takim me homologët italianë të Agjencisë Kombëtare për Administrimin dhe Destinimin e Aseteve të Sekuestruara dhe Konfiskuara nga Krimi i Organizuar. Gjatë këtij takimi u diskutua për forcimin e bashkëpunimit institucional dhe u vendos nisja e procedurave për një marrëveshje që do të përqendrohet në shkëmbimin e informacionit dhe rritjen e kapaciteteve profesionale. Kryeadministratorja e AAPSK-së vlerësoi modelin italian dhe eksperiencën e gjatë të ANBSC-së në menaxhimin e pasurive të paligjshme, ndërsa drejtuesja italiane theksoi rëndësinë e bashkëpunimit për shkak të natyrës ndërkufitare të krimit. Në fokus ishin edhe organizimi i workshopeve të përbashkëta për shkëmbimin e eksperiencave dhe përmirësimin e performancës në luftën kundër krimit të organizuar.