Kryeministri Edi Rama ka njoftuar planet për hapjen e katër universiteteve të reja në Shqipëri, të shpërndara në qytetet Fier, Vlorë, Korçë dhe Tiranë. Universiteti i Fierit do të fokusohet në mjekësi dhe do të jetë një qendër ekselence në këtë fushë, ndërsa ai i Vlorës do të jetë një universitet i përgjithshëm dhe më i madh. Në Korçë do të krijohet një universitet i specializuar në teknologji dhe inteligjencë artificiale, ndërsa në Tiranë do të hapet një universitet i përgjithshëm. Një pjesë e rëndësishme e këtij projekti është edhe një marrëveshje me një rrjet ndërkombëtar të bazuar në Londër, që do të ndihmojë në zhvillimin e Universitetit të Mjekësisë në Fier.