Të martën në Bruksel do të mbahet Konferenca e 8-të Ndërqeveritare Shqipëri–Bashkimi Evropian, një moment kyç në procesin e integrimit europian të vendit. Kjo mbledhje shënon hapin drejt fazës përmbyllëse të negociatave për anëtarësimin e Shqipërisë në BE, pas vlerësimeve pozitive për progresin në reforma të rëndësishme. Fokus i veçantë i BE-së mbetet reforma në drejtësi, ku Shqipëria ka bërë përparime në pavarësinë dhe efikasitetin e institucioneve të drejtësisë, si dhe në luftën kundër korrupsionit dhe krimit të organizuar. Përmes kësaj konference, Bashkimi Evropian riafirmon mbështetjen për perspektivën europiane të Shqipërisë dhe nxit vijimin e reformave për forcimin e shtetit të së drejtës, konsolidimin demokratik dhe zhvillimin ekonomik e shoqëror.