Një raport i Komisionit Evropian tregon se Shqipëria është vendi më proevropian në Ballkan, me 92% të qytetarëve që mbështesin anëtarësimin në Bashkimin Evropian. Kosova renditet e dyta me 83% mbështetje, ndërsa në Mal të Zi, Maqedoninë e Veriut dhe Bosnje e Hercegovinë mbështetja është mbi 60%. Në kontrast, Serbia ka nivelin më të ulët të përkrahjes për integrimin evropian, vetëm 31%. Komisioni Evropian thekson se qytetarët e vendeve aspirante e shohin anëtarësimin si një investim për paqe, siguri dhe zhvillim ekonomik, duke e konsideruar procesin si një strategji të rëndësishme për të ardhmen e BE-së.