Kreu i grupit parlamentar socialist, Taulant Balla, gjatë një vizite në Bruksel, ka bërë me dije se Shqipëria po përparon ndjeshëm në rrugën drejt anëtarësimit në Bashkimin Europian. Sipas tij, institucionet europiane, përfshirë Parlamentin dhe Komisionin Europian, vlerësojnë progresin e vendit në avancimin e negociatave dhe përmbushjen e detyrimeve të marra. Balla theksoi se Shqipëria nuk ka qenë kurrë më afër realizimit të aspiratës së saj shekullore për anëtarësim dhe se klima në Bruksel është shumë pozitive në këtë drejtim. Ai gjithashtu u shpreh se përpjekjet për të penguar procesin nuk do të kenë sukses dhe se vendosmëria për të ecur përpara në rrugën europiane mbetet e fortë.