Gjatë 24 orëve të fundit, në Shqipëri janë raportuar 10 vatra zjarri, të cilat janë shuar plotësisht dhe aktualisht nuk ka asnjë vatër aktive apo nën mbikëqyrje. Në operacionet e shuarjes janë angazhuar 174 forca operacionale vendore dhe lokale, 14 automjete zjarrfikëse, si dhe Forcat e Armatosura me 27 efektivë, 3 mjete dhe 1 ambulancë. Vatrat janë shuar në qarqe të ndryshme, përfshirë Lezhën, Elbasanin, Gjirokastrën, Dibrën dhe Fierin, me përfshirjen e strukturave vendore, policore dhe vullnetarëve. Agjencia Kombëtare e Mbrojtjes Civile vijon të monitorojë situatën dhe mbetet në gatishmëri për ndërhyrje të mëtejshme, duke prioritizuar mbrojtjen e jetës, banesave dhe mjedisit.