Gjatë 24 orëve të fundit në Shqipëri janë raportuar 34 vatra zjarri, prej të cilave 5 vijojnë të jenë aktive dhe 2 të tjera janë nën mbikëqyrje. Vatrat aktive janë kryesisht në qarqet e Tiranës dhe Dibrës, ku janë angazhuar në terren 481 forca zjarrfikëse dhe 44 automjete, përfshirë edhe forcat e Armatosura me helikopterë dhe avionë Air Tractor. Në Malin e Dajtit dhe në disa zona të Dibrës po punohet intensivisht për shuarjen e flakëve, ndërsa autoritetet bëjnë me dije se nuk ka rrezik për banesat dhe zonat e banuara në këto rajone.