Ministrja e Punëve të Jashtme, Elisa Spiropali, ka kujtuar katër vjetorin e agresionit rus në Ukrainë, duke theksuar mbështetjen e palëkundur të Shqipërisë për popullin ukrainas. Ajo përkujtoi jetët e humbura gjatë këtij konflikti dhe shprehu solidaritetin e vendit tonë me Ukrainën, e cila po mbron lirinë, sovranitetin dhe demokracinë e saj. Spiropali vuri në dukje guximin dhe qëndrueshmërinë e popullit ukrainas, që sipas saj frymëzon botën dhe tregon se terrori nuk mund ta mposhtë vullnetin për të jetuar i lirë. Shqipëria riafirmoi mbështetjen e saj politike, diplomatike dhe konkrete për Ukrainën, duke nënvizuar se solidariteti është i qartë, parimor dhe i qëndrueshëm.