Bashkimi Evropian po përgatitet të nisë mbylljen e kapitujve të negociatave të anëtarësimit me Shqipërinë, një hap i rëndësishëm në procesin e integrimit europian. Komisionerja për Zgjerimin, Marta Kos, njoftoi këtë zhvillim në përmbyllje të Presidencës qipriote të Këshillit të BE-së, duke theksuar se Shqipëria ka përmbushur standardet e ndërmjetme për grupin e kapitujve themelorë. Shqipëria është në grupin e parë të vendeve që pritet të anëtarësohen së bashku me Malin e Zi, për të cilin është nisur edhe puna për hartimin e Traktatit të Anëtarësimit pas 17 vitesh. Hapi i ardhshëm në këtë proces do të jetë ratifikimi i traktatit nga të gjitha shtetet anëtare të BE-së, duke shënuar një marrëdhënie të re mes Shqipërisë dhe Bashkimit Evropian.