Ministri i Brendshëm i Shqipërisë, Befort Lamallari, ka zbuluar arsyet pas vendimit për të shpallur Ikballe Hudutin person “non grata” në vend për 15 vjet. Sipas tij, ky vendim u mor pas përpunimit të informacionit të grumbulluar kohë më parë nga agjencitë ligjzbatuese, policia, antiterrori dhe shërbimi inteligjent, në bashkëpunim me partnerët ndërkombëtarë. Qeveria shqiptare ka vepruar për të mbrojtur sigurinë publike dhe kombëtare, duke marrë masa ndaj individëve që paraqesin kërcënim, përfshirë dyshimet për financim të terrorizmit dhe nxitje të dhunës apo urrejtjes. Ministri Lamallari theksoi gjithashtu se të drejtën për protestë e respektojnë, por pjesëmarrja në protesta nuk i jep imunitet atyre që kanë agjenda të dokumentuara kundër interesit publik.