Organizata VLEN përkujton 8 Shtatorin si një ditë që bashkon të gjithë qytetarët e Maqedonisë së Veriut, pavarësisht prejardhjes etnike, gjuhës apo fesë. Ata theksojnë se shqiptarët janë pjesë e pandashme e historisë, shtetësisë dhe zhvillimit të vendit, duke kontribuar në ndërtimin e institucioneve dhe forcimin e shoqërisë. Në 35 vitet e pavarësisë, Maqedonia e Veriut ka kaluar sfida të shumta, por ka bërë hapa të rëndësishëm drejt ndërtimit të një shteti funksional dhe demokratik ku barazia dhe sundimi i ligjit janë vlera të përditshme. VLEN nënvizon se rruga evropiane nuk ka alternativë dhe integrimi në BE do të sjellë standarde më të larta, mundësi të reja dhe një të ardhme më të sigurt për brezat e rinj.