Gjatë tremujorit të parë të vitit 2026, mbi 2 mijë shtetas shqiptarë u kthyen nga vendet e Bashkimit Evropian, duke renditur Shqipërinë në vendin e tretë për numrin e rikthimeve, pas Turqisë dhe Gjeorgjisë. Eurostat raporton se nga 108,475 urdhra largimi të dhënë për shtetas jashtë BE-së, 34,550 persona u kthyen në vendet e tyre, me një rritje prej 8.1% të rikthimeve krahasuar me të njëjtën periudhë të vitit 2025. Shtetasit shqiptarë përbëjnë 5.9% të totalit të rikthimeve, ndërsa numri i tyre është rritur edhe me 4.6% krahasuar me tremujorin e fundit të vitit 2025. Gjermania, Franca dhe Polonia janë vendet anëtare që kryesojnë në numrin e kthimeve, ndërsa 59.6% e rikthimeve janë vullnetare dhe 40.4% të detyruara.