Edhe këtë vit, asnjë shqiptar nuk u përfshi në shpërblimet shtetërore “8 Shtatori”, ku nderohen arritjet e jashtëzakonshme në sport dhe veprimtari të tjera. BDI e konsideron këtë mungesë si një shenjë të qartë përjashtimi dhe diskriminimi ndaj shqiptarëve, duke kërkuar transparencë në kriteret dhe procesin e përzgjedhjes. Sportistët shqiptarë kanë përfaqësuar Maqedoninë e Veriut në arenën ndërkombëtare dhe kanë arritur suksese të rëndësishme, por megjithatë nuk janë vlerësuar në mënyrë adekuate nga institucionet shtetërore. Ky fenomen përsëritës po perceptohet si politikë diskriminimi, ndaj BDI paralajmëron se nuk do të heshtë përballë kësaj situate.