Gino Mulliqi, shqiptaro-amerikani me origjinë nga Kosova, ka marrë edhe një mandat të ri trevjeçar si zëvendëskryetar i qytetit Wylie në Teksas, SHBA. Në një postim në Facebook, ai shprehu mirënjohje për kolegët dhe qytetarët që i besuan këtë përgjegjësi, duke ndarë rrugëtimin e tij nga fëmijëria e trazuar gjatë luftës në Kosovë deri te suksesi në Amerikë. Mulliqi përmendi sfidat e fëmijërisë së tij, përvojën si nxënës shkëmbimi dhe ndërtimin e karrierës së tij në Verizon, si dhe jetën familjare dhe biznesin që ka ngritur në SHBA. Ai theksoi besimin e tij në ëndrrën amerikane dhe premtoi të vazhdojë të punojë me përkushtim për komunitetin e Wylie.