Drejtoria për Mbrojtje dhe Shpëtim (DMSH) ka arritur marrëveshje për të aktivizuar të paktën 120 zjarrfikës vullnetarë çdo ditë gjatë sezonit të zjarreve. Këta vullnetarë do të organizohen përmes një strukture të re brenda DMSH-së, ku komandantë të caktuar do të koordinojnë dhe dërgojnë ekipet në vendet ku ka nevojë për ndërhyrje. Ky sistem i ri synon të rrisë efikasitetin dhe të lehtësojë komunikimin, duke reduktuar angazhimin e policisë dhe Ushtrisë në operacionet e shuarjes së zjarreve. Në raste emergjencash të mëdha, të gjitha kapacitetet shtetërore do të jenë në dispozicion, ndërsa zjarrfikësit vullnetarë nuk do të marrin kompensim për angazhimin e tyre.