Qeveria e Maqedonisë së Veriut miratoi ndryshime të rëndësishme në Ligjin për marrjen dhe transplantimin e pjesëve të trupit të njeriut për qëllime shërimi. Sipas ligjit të ri, çdo qytetar i madh do të japë gjatë vizitës te mjeku amë një deklaratë nëse pajtohet të jetë dhurues organesh pas vdekjes, e cila do të regjistrohet në sistemin elektronik shëndetësor “Termini im”. Ligji lejon gjithashtu ndryshimin e vendimit në çdo kohë dhe zgjeron rrethin e dhuruesve të gjallë duke përfshirë edhe kushërinjtë e parë deri në shkallën e katërt të farefisnisë. Ministri i Shëndetësisë, Azir Aliu, thekson se këto ndryshime synojnë të rrisin transparencën, mbrojnë vullnetin e qytetarëve dhe përmirësojnë trajtimin mjekësor brenda kornizave etike dhe ligjore.