Për vite me radhë, komunat shqiptare kanë qenë larg investimeve të rëndësishme, ku projektet zhvillimore varen më shumë nga interesat partiake sesa nga nevojat reale të qytetarëve. Sipas VLEN, falë angazhimit të tyre në Qeveri, aktualisht po realizohen 306 projekte që po ndryshojnë dukshëm pamjen e komunave në të gjithë vendin. Në ditët e fundit, katër komuna të drejtuara nga VLEN kanë përfunduar ose nisur investime të rëndësishme infrastrukturore, duke përfshirë rrugë në Tetovë, Zhelinë, Bogovinë dhe Dibër. Ky proces tregon një qasje të re, ku fondet publike orientohen drejt nevojave reale dhe projektet konkretizohen në vepra që përmirësojnë jetën dhe ekonominë lokale, duke lënë pas kohën e deklaratave boshe politike.