Të dhënat e fundit të Eurostat për vitin 2025 tregojnë një ndryshim të thellë në strukturën e familjeve në Bashkimin Evropian, ku numri i familjeve me fëmijë po bie ndjeshëm, ndërsa familjet pa fëmijë dhe ato me një prind janë në rritje të vazhdueshme. Në BE, vetëm 23.4% e familjeve kanë fëmijë, ndërsa 76.6% janë pa fëmijë, me një rritje të dukshme të familjeve me një person që jetojnë vetëm. Në Maqedoninë e Veriut situata është paksa ndryshe, me 33.9% të familjeve që kanë fëmijë, një përqindje më e lartë se mesatarja evropiane, dhe me dominimin e familjeve me dy fëmijë. Një tjetër aspekt shqetësues është rritja e numrit të familjeve me një prind, ku në BE 1 në 8 familje me fëmijë mbështetet vetëm te një i rritur, kryesisht nëna, një fenomen që është më i përhapur në disa vende si Estonia dhe Lituania. Kjo situatë tregon se barrën kryesore të rritjes së fëmijëve e mbajnë gratë beqare, duke reflektuar sfidat sociale dhe demografike që po përballen familjet në Evropë dhe rajon.