Ministri në detyrë i Infrastrukturës dhe Transportit, Dimal Basha, inspektoi nga afër punimet në segmentet e skarpateve përgjatë autoudhës “Ibrahim Rugova”. Gjatë vizitës, ai diskutoi me ekipet dhe operatorët për sfidat në terren dhe masat që duhen marrë për një trajtim të plotë dhe afatgjatë të këtyre segmenteve. Qëllimi kryesor është që rehabilitimi të jetë i qëndrueshëm dhe permanent, duke parandaluar problemet e ardhshme dhe duke rritur sigurinë për përdoruesit e autoudhës. Ministria e Infrastrukturës monitoron punimet çdo ditë dhe bashkëpunon me të gjithë aktorët për të siguruar cilësi, efikasitet dhe zgjidhje të qëndrueshme.