Ministri në detyrë i Infrastrukturës dhe Transportit, Dimal Basha, ka njoftuar nisjen e punimeve për zgjidhjen afatgjatë të grumbullimit të ujërave në nënkalimin e Mazgitit. Problemi u identifikua si pasojë e moslidhjes së kanalit atmosferik me kolektorin, gjë që ka shkaktuar përmbytje dhe dëmtime në rrugë. KRU “Prishtina” ka ndihmuar në pastrimin e kanaleve, ndërsa operatori ekonomik ka filluar punimet për lidhjen e kanalit dhe më pas do të vazhdojë me asfaltimin e pjesës së dëmtuar. Puna po zhvillohet në koordinim me të gjitha institucionet për të parandaluar përsëritjen e këtyre problemeve në të ardhmen.