Para 28 vitesh, forcat serbe nisën një sulm të fuqishëm ndaj familjes Jashari dhe fshatrave shqiptare përreth Prekazit, duke shkaktuar viktima dhe dëme të mëdha materiale. Gazeta amerikane “The Washington Post” raportoi se sulmi u zhvillua me pjesëmarrjen e qindra policëve paramilitarë, helikopterëve të armatosur dhe automjeteve të blinduara, ndërsa autoritetet serbe penguan hyrjen e gazetarëve në zonë. Sulmi çoi në djegien e shtëpive në Laushë dhe Prekaz, si dhe largimin e mijëra grave dhe fëmijëve drejt qyteteve të afërta, duke përshkallëzuar konfliktin në Kosovë. Në raportimin e saj, gazeta theksoi shqetësimin e administratës amerikane dhe paralajmërimet për ndërhyrje ushtarake në rast të përshkallëzimit të dhunës nga forcat serbe ndaj shqiptarëve etnikë.