Me fillimin e sezonit veror dhe shtimin e ndjeshëm të pushuesve, siguria në plazhet e Durrësit është bërë një nga sfidat kryesore të turizmit. Edhe pse janë vendosur disa kulla vrojtimi përgjatë vijës bregdetare, jo të gjitha funksionojnë me personelin e nevojshëm, duke lënë zona të pa mbuluara nga rojet bregdetare. Pushuesit dhe operatorët turistikë kërkojnë masa më të forta dhe investime shtesë për të garantuar sigurinë dhe për të parandaluar tragjeditë. Alarmi u rrit pas ngjarjes së rëndë të fundjavës së kaluar, ku një 11-vjeçar humbi jetën në det, duke shtuar presionin për ndërhyrje më efektive nga institucionet përgjegjëse.