Igor Simiq, kandidat i Listës Serbe, ka mbajtur një fjalim me tone nacionaliste gjatë fushatës zgjedhore, ku riktheu narrativat e viteve ’90 duke ndarë serbët në “patriotë” dhe “tradhtarë”. Ai përmendi figura historike serbe si Brankoviqët, Jugoviqët, Obiliqët dhe Hrebeljanoviqët, duke theksuar se vetëm ata që mbajnë lidhje me rrënjët e tyre janë të vërtetë serbë. Simiq akuzoi institucionet e Kosovës për keqtrajtim dhe arrestime të aktivistëve serbë, duke i paraqitur ata si viktima të diskriminimit etnik. Ky diskurs i tij synon të mobilizojë elektoratin serb në një periudhë të tensionuar politike, duke ringjallur ndasitë historike dhe duke stigmatizuar kundërshtarët politikë.