Ministri i Punëve të Brendshme, Pançe Toshkovski, njoftoi se sistemi “Qytet i Sigurt” do të zbatohet në të gjithë territorin e shtetit deri në fund të vitit 2026. Ky projekt synon të përmirësojë sigurinë në trafik dhe të krijojë një mjedis më të sigurt për qytetarët. Implementimi po realizohet në faza, ku çdo qytet përfshihet sapo plotësohen kushtet teknike lokale. Ministri theksoi se nuk do të ketë një implementim të njëkohshëm në të gjitha qytetet, por sistemi do të vendoset menjëherë sa të jenë të përmbushura kushtet përkatëse.